Пасяджэнне Магілёўскага абласнога аддзялення СБП прайшло 5 чэрвеня

Хвілінай маўчання прысутныя ўшанавалі памяць вядомых беларускіх літаратараў, сябраў СБП Рыгора Барадуліна, Генадзя Бураўніка, Уладзіміра Дамашэвіча, Анатоля Кудраўца, Давіда Сімановіча, якія пайшлі з жыцця.

Барыс Пятровіч, Усевалад Сцебурака

Старшыня аддзялення Мікола Яцкоў праінфармаваў аб тым, што было зроблена за прабеглы час. Аб удзеле ў абласным свяце паэзі і аўтарскай песні “Пісьмянкоў луг” распавёў Яраслаў Клімуць. Кіраўнік магілёўскага літаратурнага клуба “Святліца” Тамара Аўсяннікава праінфармавала аб зробленым сябрамі клуба і прадставіла другі зборнік “Святліца” з вершамі удзельнікаў.

Таццяна Барысік, Тамара Аўсяннікава, Мікола Яцкоў

Міхась Булавацкі ад імя прысутных павіншаваў Тамару Аўсяннікаву, Віктара Бяляцкага і Міколу Яцкова, якія адзначылі свае юбілеі.

Былі разгледжаны пытанні падрыхтоўкі чарговага нумара літаратурнага альманаха “Брама”.

Яраслаў Клімуць і Міхась Булавацкі

Барыс Пятровіч акрэсліў асноўныя моманты працы СБП, праінфармаваў аб падрыхтоўцы святкавання 80-годдзя Саюза беларускіх пісьменнікаў і аб дзейнасці Школы маладога пісьменніка. Было выказана пажаданне, каб у ліку навучэнцаў Школы былі і прадстаўнікі Магілёўшчыны.

Усевалад Сцебурака распавёў аб неабходнасці пашырэння кантактаў паміж Школай і рэгіёнамі. У прыватнасці, ёсць магчымасць ладзіць творчыя сустрэчы, дзяліцца вопытам і напрацоўкамі, бо гэта будзе толькі на карысць агульнай справе ўмацавання і развіцця беларускай літаратуры.

Былі разгледжаны іншыя пытанні дзейнасці абласнога аддзялення.

Ул. інф. Магілёўскага абласнога аддзялення СБП