Навіны
Заява Рады РГА “Беларускі ПЭН-цэнтр”
У Беларусі працягваюцца масавыя рэпрэсіі і арышты палітыкаў, журналістаў і звычайных грамадзян, нязгодных з афіцыйнымі вынікамі прэзідэнцкіх выбараў.
За 18—20 снежня было затрымана, арыштавана, абшукана каля 600 асобаў. Падчас масавых пратэстаў 19 снежня было арыштавана каля 400 чалавек. Большасць арыштаваных стандартна абвінавачваюцца ў «парушэнне парадку арганізацыі альбо правядзення масавага мерапрыемства», “хуліганства”. Арыштаваным выносяцца шаблонныя прысуды ад 5 да 15 сутак зняволення.
Былі арыштаваныя сябры РГА “Беларускі ПЭН-цэнтр” праваабаронца Алесь Бяляцкі, літаратуразнаўца і актывіст кампаніі “Гавары праўду” Аляксандр Фядута, а таксама шэраг беларускіх і замежных журналістаў, якія выконвалі падчас акцыі свае прафесійныя абавязкі.
Лёс ганаровага старшыні РГА “Беларускі ПЭН-цэнтр” Уладзіміра Някляева дагэтуль невядомы.
Звяртаемся да нашых калег ва ўсіх краінах свету з просьбай праінфармаваць вашы ўрады і грамадствы пра чарговую хвалю рэпрэсій у Беларусі. Будзем удзячны вам за праяўленую салідарнасць.
Рада РГА “Беларускі ПЭН-цэнтр”
Зварот Польскага ПЭН-клуба ад 20 снежня 2010
Сярод дзясяткаў ахвяр гвалту на вуліцах Мінска ёсць і Уладзімір Некляеў, адзін з найвыдатнейшых беларускіх сучасных паэтаў, былы Старшыня Беларускага ПЭН-клуба і Саюза Пісьменнікаў Беларусі, кандыдат у прэзідэнты краіны на апошніх выбарах. Яшчэ перад учарашняй грамадзянскай маніфестацыяй ён быў акружаны спецназаўцамі і на вачах функцыянераў у формах збіты да непрытомнасці, а потым перавезены ў бальніцу з шырокай чэрапна-мазгавой траўмай. З бальніцы ён быў вывезены некалькімі невядомымі ў цывільнай вопратцы.
Мы ў Польшчы ведаем Некляева як паэта і як выдатнага перакладчыка польскіх паэтаў – пачынаючы ад класікаў XVI–XIX стагоддзяў. Ён быў госцем на нашых аўтарскіх спатканнях у многіх гарадах Польшчы, а таксама ў сядзібе Польскага ПЭН-клуба ў Варшаве – апошні раз у лістападзе гэтага года на прэзентацыі яго паэмы “Паланэз” у трохмоўным выданні – беларускім, літоўскім і польскім.
Мы заклікаем беларускія ўлады неадкладна вызваліць паэта, а таксама прадаставіць яму медыцынскую дапамогу. Мы заклікаем Вас спыніць жорсткія рэпрэсіі супраць актывістаў і выбаршчыкаў апазіцыі, журналістаў і гарантаваць грамадзянскія свабоды ў імя ідэалаў Міжнароднага Статута ПЭН-клуба, які абвяшчае: "ПЭН-клуб выступае за прынцып бесперашкоднай перадачы думак у кожнай краіне і паміж усімі народамі, а яго члены абавязаны ў сваёй краіне ці суполцы, да якой яны належаць, выступаць супраць усіх формаў прыгнечання свабоды слова. ПЭН-клуб выказваецца ў абарону свабоды друку і супраць самавольнай цэнзуры ў мірны час - з надзеяй, што непазбежнае імкненне свету да вышэйшых форм палітычнай і эканамічнай арганізацыі патрабуе свабоды крытыкі ўладаў, ведамстваў і ўстаноў ".
СтаршыняПольскага ПЭН-клубаАдам Паморскі
Намеснік СтаршыніПавел Гюле
Намеснік СтаршыніЭва Ліпска
Ісландскі ПЭН-Цэнтар
«Ад імя чальцоў ісландскага ПЭН-Цэнтра мы выказваем вам поўную падтрымку ў адстойванні вамі свабоды слова і іншых правоў чалавека ў вашай краіне.
Мы разам з вамі асуджаем арышт і жорсткае збіццё нашага калегі, паэта Уладзіміра Някляева і іншых праваабаронцаў і журналістаў. Мы занепакоеныя жорсткім абыходжаннем са спадаром Някляевым і тым, што ён утрымліваецца пад вартай.
Мы лічым найважнейшай неабходнасцю тое, каб сп. Някляеву была забяспечаная належная медыцынская дапамога, і ўжо адправілі ліст прэзідэнту Беларусі з заклікам неадкладна вызваліць сп. Някляева і правесці поўнае і аб’ектыўнае расследаванне па гэтай справе.
З павагай,
Сьён, старшыня Ісландскага ПЭН-Цэнтра
Хальдур Гудмундсан, намеснік старшыні
Эйнар Карасан, сакратар
Сігурб’ёрг Фрастардотыр
Гудмундур Андры Торсан
Лінда Вільх’яльмсдотыр
Сігурдур Пальсан
Швэдзкі ПЭН-Цэнтар пратэстуе супраць дзеяньняў уладаў Беларусі
"Швэдзкі ПЭН заклікае ўрад Швэцыі і Эўразьвяз жорстка асудзіць парушэньні правоў чалавека, якія адкрыта адбываюцца ў эўрапейскай краіне...", — гаворыцца ў заяве арганізацыі.
Зварот апублікаваны ў найбуйнейшай швэдзкай штодзённай газэце "Dagens Nyheter".
Тэкст заявы перадалі амбасадару Беларусі ў Швэцыі Андрэю Грыневічу.
Украінскі ПЭН-цэнтар выступіў у падтрымку Някляева
Украінскі ПЭН-цэнтар выказаў глыбокую занепакоенасьць лёсам Уладзімера Някляева і іншых затрыманых беларускіх палітыкаў.
Украінскі цэнтар Міжнароднага ПЭН-клюбу заявіў, што “з абурэньнем успрыняў факт зьбіцьця і затрыманьня беларускімі ўладамі вядомага паэта Ўладзімера Някляева, віцэ-прэзыдэнта Беларускага цэнтру Міжнароднага ПЭН-клюбу”.
“Ва Ўкраіне добра ведаюць Някляева як аднаго з найлепшых сучасных беларускіх творцаў, чыя праца годна прэзэнтуе Беларусь у сьвеце. Таксама яна, як і біяграфія мастака, цесна зьвязаная з Украінаю. Зусім нядаўна Някляеў прыяжджаў у Кіеў, менавіта цяпер у выдавецтве “Смолоскип” рыхтуецца да друку яго кніга вершаў “Кон”, перакладзеная на ўкраінскую мову”, – гаворыцца ў адозьве Ўкраінскага цэнтру Міжнароднага ПЭН-клюбу.
“Хартыя ПЭНу “прадугледжвае імпэратыў свабоды крытыкаваць ўрады, адміністрацыі і інстытуты”, і мы, што падтрымліваем гэтую Хартыю, адстойваем права беларускай апазыцыі даносіць сваё слова да грамадзянаў сваёй краіны, хоць пры гэтым ня маем палітычных прэфэрэнцыяў і не становімся на бок ніводнай з палітычных групаў”, – пішуць аўтары звароту.
Яны заклікаюць “спыніць жорсткія рэпрэсіі і гарантаваць грамадзянскія свабоды ўсім актывістам апазыцыі, журналістам і выбарнікам”. “Толькі захаваньне законнасьці, прызнаньне правоў апазыцыі і дыялёг зь ёю дазволяць гаварыць пра Беларусь як пра дэмакратычную дзяржаву”, – адзначаецца ў звароце.
Заява Расійскага ПЭН-цэнтра ў абарону Уладзіміра Някляева
Расійскі ПЭН-цэнтр глыбока абураны арыштам аднаго з кіраўнікоў Беларускага ПЭН-цэнтра Уладзіміра Някляева, вядомага беларускага паэта, празаіка, грамадскага дзеяча, лаўрэата шэрагу прафесійных і дзяржаўных узнагародаў за літаратурную дзейнасць. У Расіі добра ведаюць творчасць Уладзіміра Някляева. У кастрычніку 2010 года ў Маскве ў перакладзе шэрагу расійскіх паэтаў, з прадмовай Яўгенія Еўтушэнкі, выйшла яго новая кніга вершаў «Акно».
19 снежня кандыдат у прэзідэнты Беларусі Уладзімір Някляеў быў жорстка збіты па дарозе на Кастрычніцкую плошчу, яму нават не далі даехаць да мітынгу. З чэрапна-мазгавой траўмай, у несвядомым стане ён быў дастаўлены ў бальніцу, а адтуль выкрадзены людзьмі ў цывільным, што выклікае асаблівую трывогу ва ўсіх, хто памятае пра спосабы расправы А. Лукашэнкі са сваімі палітычнымі супраціўнікамі (В. Ганчаром, Ю. Захаранкам, Дз. Завадскім і інш.) Нападу падвергнуўся і іншы апазіцыйны кандыдат у прэзідэнты — Мікалай Статкевіч. 17 чалавек, якія ўдзельнічалі ў акцыях пратэсту, абвінавачваюцца ўладамі Беларусі па справе, распачатай на падставе ч. 1 і 2 арт. 293 КК (масавыя беспарадкі). Сярод іх — шэсць былых кандыдатаў у прэзідэнты: Уладзімір Някляеў, Андрэй Саннікаў, Мікалай Статкевіч, Віталь Рымашэўскі, Рыгор Кастусёў, Алесь Міхалевіч. Ім пагражае пазбаўленне волі да 15 гадоў.
Абапіраючыся на Хартыю Міжнароднага ПЭН-клуба, у якой, у прыватнасці, сказана, што «… неабходнае прасоўванне чалавецтва да больш высокім формаў палітычнай і эканамічнай арганізацыі патрабуе свабоднай крытыкі ўрада, органаў кіравання і палітычных інстытутаў», мы патрабуем неадкладнага вызвалення Уладзіміра Някляева і яго паплечнікаў і лічым абсурднымі і неправамернымі дзеянні ўладаў Беларусі — дзяржавы, якая нібыта прытрымліваецца дэмакратычных прынцыпаў кіравання.
Старшыня — Андрэй Бітаў
Намеснік старшыні — Аляксей Сіманаў
Чальцы Выканкама — Леў Цімафееў, Юна Морыц, Аляксандр Гарадніцкі, Людміла Уліцкая
Паводле svaboda.org і khadanovich.livejournal.com
[TypeError] count(): Argument #1 ($value) must be of type Countable|array, bool given (0) /mnt/extra_volume/ibwm/www/bitrix/templates/ibwm/components/bitrix/news/news/bitrix/news.detail/.default/template.php:50 #0: include /mnt/extra_volume/ibwm/www/bitrix/modules/main/classes/general/component_template.php:790 #1: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #2: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #3: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #4: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news.detail/component.php:515 #5: include(string) /mnt/extra_volume/ibwm/www/bitrix/modules/main/classes/general/component.php:615 #6: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #7: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #8: CAllMain->IncludeComponent /mnt/extra_volume/ibwm/www/bitrix/templates/ibwm/components/bitrix/news/news/detail.php:16 #9: include(string) /mnt/extra_volume/ibwm/www/bitrix/modules/main/classes/general/component_template.php:790 #10: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #11: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #12: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #13: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news/component.php:336 #14: include(string) /mnt/extra_volume/ibwm/www/bitrix/modules/main/classes/general/component.php:615 #15: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #16: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #17: CAllMain->IncludeComponent /mnt/extra_volume/ibwm/www/news/index.php:107 #18: include_once(string) /mnt/extra_volume/ibwm/www/bitrix/modules/main/include/urlrewrite.php:184 #19: include_once(string) /mnt/extra_volume/ibwm/www/bitrix/urlrewrite.php:2 ----------