Першая кніга Паўла Анціпава ўжо ў кнігарні

У выдавецтве “ЛогвінаЎ” выйшла дэбютная кніга мінчука Паўла Анціпава “Дипломная работа”. 

Кніга змяшчае ўласна аўтабіяграфічную аповесць “Дипломная работа” (прыгоды на
пусты страўнік беларускага літаратара ў Маскве), а таксама колькі апавяданняў. Сустрэча з ужо вядомымі анціпаўскімі героямі – бабкай Каліласкай і Леніным гарантаваная! Кнігу ўжо можна купіць у кнігарні “ЛогвінаЎ”.

ПАВАЛ АНЦІПАЎ (Павел Антипов). Нарадзіўся ў 1981 годзе ў Мінску, дзе скончыў эканамічны універсітэт і “Беларускі калегіум”. Вучыўся таксама ў Літаратурным інстытуце імя Горкага ў Маскве. Жыве ў Мінску. Сваімі настаўнікамі ў літаратуры лічыць Набокава і Флабера. Першая публікацыя – “Апавяданні пра Мінск і яго метрапалітэн” − адбылася ў 2005 годзе ў часопісе “Дзеяслоў”.

Павел Анціпаў − лаўрэат літаратурных конкурсаў ПЭН-цэнтра Беларусі: ім. Уладзіміра Караткевіча (2005), ім. Карласа Шэрмана (2009), а таксама фіналіст “Ілля-прэміі” (2006) і конкурсу “Чацвераногая варона” імя Данііла Хармса (2007, 2008). У 2011 годзе ўвайшоў у лонг-ліст прэміі "Дэбют" з цыклам апавяданняў.

Паводле lohvinau.livejournal.com