Прэзентацыя альманаха “Новы замак” адбылася ў Гародні

Вечарына, прысвечаная выхаду літаратурнага альманаха «Новы замак», адбылася 21 сакавіка ў канферэнц-залі Гарадзенскай абласной бібліятэкі імя Я. Карскага, што месціцца ў адметным гістарычным месцы — у Новым замку.

На вечарыне прысутнічалі  літаратары і неабыякавыя да прыгожага пісьменства госці.

Ала Петрушкевіч

Вядоўцай вечарыны была даследчыца і выкладчыца Ала Петрушкевіч.

Аляксей Пяткевіч

Прафесар Аляксей Пяткевіч распавеў слухачам гісторыю літаратурнага руху на Гарадзеншчыне, узгадаўшы папярэдні (цяпер ужо легендарны) альманах “Нёман”, што выходзіў у 1950-х г., і іншыя зборнікі тамтэйшых пісьменнікаў.

Ігар Жук і Ганна Аўчыннікава

З прамовай выступіў Ігар Жук, у аўтарскім выкананні прагучалі вершы Дануты Бічэль, Мечыслава Курыловіча, Ганны Аўчыннікавай, Анатоля Брусевіча.

Данута Бічэль

Анатоль Брусевіч

Студэнты-філолагі ўніверсітэта імя Янкі Купалы падрыхтавалі дэкламацыю твораў гарадзенскіх літаратараў — іх выступ стаў прыемным сюрпрызам для ўсіх прысутных. Яны як найбольш актыўныя ўдзельнікі вечарыны заслужана атрымалі прэзенты ад кампаніі “Будзьма беларусамі”, пры падтрымцы якой адбылася імпрэза.