Прэзентацыя кнігі Сяргея Харэўскага “Сто твораў XX стагоддзя”

Новая ілюстраваная кніга Сяргея Харэўскага  “Сто твораў XX стагоддзя: нарысы па гiсторыi мастацтва i архiтэктуры Беларусi найноўшага часу” расказвае пра лепшае ў беларускім мастацтве за перадапошнія сто гадоў.

Кнігарня "ЛогвінаЎ" запрашае на прэзентацыю выдання, на якой будзе прысутны не толькі аўтар, але і іншыя літаратары і мастацтвазнаўцы, а таксама мастакі, чые творы згадваюцца ў кнізе. Па словах арт-дырэктара кнігарні Паўла Касцюкевіча "будуць усе (хіба за выняткам Малевіча і Шагала)".

20 студзеня. Кнігарня "ЛогвінаЎ" на Незалежнасці 37А. Пачатак а 19. Уваход – вольны.

На прэзентацыі “Сто твораў” будуць прадавацца са зніжкай.

 

Інф. паводле кнігарні "ЛогвінаЎ".

Прэсавая служба СБП