Прэзэнтацыя кнігі Віктара Сямашкі «Габітацыя»

У праграме: аўтарская дэклямацыя са спантанным музычным суправаджэньнем, аўтэнтычныя танцы ад Аляксея Крукоўскага й «Капэлі на таку», вершы ад паэтаў Віктара Жыбуля і Зьмітра Вішнёва.

У зборнік «Габітацыя» ўвайшлі тры цыклі вершаў, створаныя Віктарам Сямашкам у перыяд з кастрычніка 2006 да траўня 2008: «Габітацыя», «Дафарэнцыя» і «Гзымс». Імя кнізе дала вёска зь незвычайным назовам Габітацыя, якая месціцца ля Будслава. У перакладзе з лацінскае мовы habitatio значыць «пражываньне, жытло».

Кніга выйшла ў выдавецтве «Галіяфы» у сэрыі «Другі фронт мастацтваў». 

«У прадстаўленых тэкстах аўтар апісвае рознабаковыя стасункі з рэчаіснасьцю й робіць тое бязь лішніх фантазіяў, але з наданьнем сакральнага зьместу кожнай дэталі», — напісана ў анатацыі да зборніку.

Пачатак у 19.00.

Адрас кавярні NewTon: вул. Кастрычніцкая, 16.

Даведкі: +375 29 5513335, +375 44 5050501.