Сёння ў Беларусі – Дзень бібліятэк

У Беларусі 15 верасня адзначаюць Дзень бібліятэк. Свята было заснавана ў 2001 годзе. Яго ініцыятарам выступіла Беларуская бібліятэчная асацыяцыя.

На тэрыторыі Беларусі першыя бібліятэкі з'явіліся ў XI стагоддзі. Першапачаткова яны ствараліся пры цэрквах і манастырах. З часам змяніліся не толькі аблічча, але і функцыі бібліятэк. Сучасныя бібліятэкі ўяўляюць сабой шматфункцыянальныя ўстановы культуры, інфармацыйныя, культурна-адукацыйныя цэнтры, якія ў адпаведнасці з патрабаваннямі часу і запытамі розных слаёў насельніцтва актыўна ўкараняюць найноўшыя інфармацыйныя тэхналогіі, садзейнічаюць распаўсюджванню ведаў, умацаванню адзінай культурнай прасторы.

У Беларусі амаль кожны другі жыхар – карыстальнік бібліятэкі. Па статыстыцы, на 2,4 тыс. жыхароў прыпадае адна публічная бібліятэка, што практычна адпавядае нарматывам ЮНЕСКА. Больш за 43% публічных бібліятэк, у тым ліку больш за чвэрць сельскіх, на сённяшні дзень камп'ютэрызаваныя.

БелТа