Спектакль ”Людзі на балоце” паставяць па-новаму

Дата публікацыі: 11.11.2011

1604

З 10 лістапада ў Купалаўскім тэатры пачаліся рэпетыцыі спектакля “Людзі на балоце” паводле раманаў Івана Мележа “Людзі на балоце” і “Подых навальніцы”. Рэжысёр пастаноўкі – Аляксандр Гарцуеў.

Некалі спектакль “Людзі на балоце”ў пастаноўцы Барыса Эрына карыстаўся вялікай папулярнасцю ў Купалаўскім тэатры. Для многіх артыстаў старэйшага пакалення цяперашняя пастаноўка – магчымасць па-новаму папрацаваць з вядомым матэрыялам.

Аляксандр Гарцуеў вырашыў не выкарыстоўваць інсцэніроўку Т. Абакумоўскай і З.Браварскай, а стварыў сваю версію, у якой сканцэнтраваў увагу на гісторыі кахання Васіля і Ганны.

Прэм’ера спектакля мае адбыцца ў лютым 2012 года.

kupalauski.by