Стартаваў арт-аўкцыён у падтрымку кнігарні «логвінаЎ»

Правядзенне аўкцыёна ініцыявала польская мастачка Цэліна Кануннікава. Як высветлілася, ідэя лётала ў паветры і на яе адразу ж адгукнуліся іншыя мастакі - Руслан Вашкевіч, Артур Клінаў, Уладзімір Цэслер, Алесь Кудрашоў, Алесь Пушкін, Андрэй Анро, Міхаіл Гулін ды інш. 

Аўкцыён праводзіцца на базе онлайн-платформы аўкцыёнаў, інфармацыя пра ўсе лоты змешчаная на афіцыйным сайце кампаніі auction.savelohvinau.club

Усе грошы, заробленыя на аўкцыёне, будуць налічвацца непасрэдна на дабрачынны рахунак  кнігарні “логвінаЎ”, які будзе пазначаны ў рэквізітах лота. Увага: працы набыць можна да 3 сакавіка.

 

Купіце творы мастацтва – выратуйце беларускую літаратуру!

Паводле прэс-рэлізу