«Створым выставу разам!» — музей гісторыі літаратуры запрашае да супрацы

Дасылайце ці прыносьце да нас свае фотаздымкі, і лепшыя з іх стануць сапраўднымі экспанатамі.

У хуткім часе Дзяржаўны музей гісторыі беларускай літаратуры адчыняе свае дзверы для наведвальнікаў у адноўленым будынку. 

Першы праект новага года супрацоўнікам установы хацелася б стварыць разам з сапраўднымі прыхільнікамі беларускай літаратуры, уключыць у выставачны працэс простых людзей, магчыма, далёкіх ад прафесійнай пісьменніцкай ці філалагічнай дзейнасці, але зацікаўленых і актыўных.

У адборы ўдзельнічаюць наступныя віды фатаграфій:

-         Партрэтныя: выявы пісьменнікаў;

-         Групавыя: вы з беларускім(-і) пісьменнікам(-і), літаратурныя сустрэчы і мерапрыемствы;

-         Відавыя: мясціны, звязаныя з жыццём і творчасцю беларускіх аўтараў.

Збор матэрыялаў працягваецца да 25 студзеня 2016 года.

Створым выставу разам!

Кантакты: Дзяржаўны музей гісторыі беларускай літаратуры, вул. Багдановіча, 13.

Тэлефоны: 335-44-47; 334-56-21; 80297648163.

Электронны адрас: blm_expo@tut.by

 Паводле прэс-рэлізу