Сустрэча ў Дзятлаве

Кіраўнік Гарадзенскага аддзялення Саюза беларускіх пісьменнікаў Валянцін Дубатоўка распавёў пра справы і літаратурныя планы пісьменнікаў Гарадзеншчыны.

Сяргей Астраўцоў пазнаёміў дзятлаўчан з літаратурным гадавіком «Новы замак», Аляксей Пяткевіч распавёў пра сваю кнігу «Слова і кніга», а Леанарда Юргілевіч, Юрка Голуб і Рычард Бялячыц прачыталі ўласныя творы.

Сяргей Чыгрын прэзентаваў сваю новую кнігу «На радзіме Ігната Дварчаніна», якая прысвечана Дзятлаўшчыне, яе знакамітым людзям, помнікам і падзеям. Чыталі ўласныя вершы і мясцовыя паэты Георгій Шундрык і Вера Хрышчановіч.

www.racyja.com