Сустрэча ў Кіеве

Дата публікацыі: 31.05.2012

3416

29 траўня дэлегацыя ГА “Саюз беларускіх пісьменнікаў” у складзе старшыні Барыса Пятровіча, намесніка старшыні Эдуарда Акуліна і перакладчыка Валера Стралко наведала Кіеў, дзе правяла сустрэчу з кіраўніцтвам Нацыянальнага саюза пісьменнікаў Украіны: старшынём НСПУ, галоўным рэдактарам літаратурна-мастацкага часопіса “Кіеў” Віктарам Баранавым і адказным сакратаром НСПУ Уладзімірам Барнам. Падчас сустрэчы быў абмеркаваны шэраг пытанняў аб супольнай дзейнасці старэйшых літаратурных арганізацый Беларусі і Украіны і наладжванні творчых стасункаў паміж украінскімі і беларускімі літаратурнымі выданнямі.

На здымку: Эдуард Акулін, Уладзімір Барна, Барыс Пятровіч, Віктар Баранаў, Валер Стралко

Ул. інф.