Святло “Святліцы”. У Магілёве пабачыў свет зборнік маладых паэтаў

Удзельнікі літаратурнага аб'яднання "Святліца" 

Ва ўрачыстай атмасферы была прэзентавана кніга “Святло “Святліцы” з творчымі работамі маладых паэтаў, якія на працягу навучальнага года спрабавалі свае здольнасці ў вершаскладанні пад кіраўніцтвам паэтэсы, настаўніка вышэйшай катэгорыі, сябра ГА “Саюз беларускіх пісьменнікаў” Тамары Пятроўны Аўсяннікавай.

Тамара Аўсяннікава

Нямала намаганняў было прыкладзена як кіраўніком літаратурнага клуба, так і самімі навучэнцамі, каб  асэнсаваць пачутае, зразумець сябе часткаю прыроды, натхніцца і напісаць першы верш, няхай яшчэ кволы, недасканалы.

Эдуард Мядзведскі

Гэта адзначылі і паважаныя госці,  паэты Эдуард Мядзведскі і Надзея Палубінская, якія прыйшлі падтрымаць маладых аўтараў, паслухаць іх, а таксама прачытаць свае творы.

 

Надзея Палубінская

Прыемна адзначыць, што актыўны ўдзел у творчым жыцці сваіх дзяцей прымаюць іх бацькі. На сустрэчу прыйшлі Ліліт Папікян, Алена Міхайлава, Анжаліка і Аляксандр Волкавы, якія выказалі словы ўдзячнасці за працу клуба.

Выступае Анастасія Падрабінкіна

Спадзяемся, што "Святло Святліцы" гэта хоць і першае, але не апошняе выданне маладых літаратараў гарадскога клуба. Жадаем удзельнікам гэтага творчага аб’яднання натхнення, творчых поспехаў, новых вершаў.

Ул. інф. Магілёўскага абласнога аддзялення СБП 

Фотаздымкі Максіма Камарова