Сябры СБП выступілі на Віцебшчыне

У адным з касцёлаў г. Віцебска прайшло мерапрыемства, прысвечанае 85-годдзю з дня нараджэння класіка беларускай літаратуры Уладзіміра Караткевіча.

Яўгенія Казлова

Яўгенія Казлова сустракалася з аршанскімі школьнікамі. Сустрэча таксама была прысвечаная Караткевічу.

Міхась Мірановіч наведаў г.п. Дуброўна, дзе пазнаёміў аматараў беларускага слова са сваёй творчасцю.

Франц Сіўко і Міхась Мірановіч разам з ТБМ перадалі кнігі сябраў Саюза беларускіх пісьменнікаў, у тым ліку аўтараў з Віцебшчыны, Сенненскаму дому-інтэрнату для дзяцей-сіротаў і дзяцей, бацькі якіх пазбаўленыя  бацькоўскіх правоў.

Уладзімір Папковіч на курсах "Мова нанова Віцебск"

Сябры Саюза беларускіх пісьменнікаў бываюць частымі гасцямі і ўдзельнікамі курсаў “Мова нанова Віцебск”.

Настасся Лазебная (справа) уручае падарунак (уласна створаны батык) Вользе Грэдэль (злева)

Наталля Салаўёва чытае вершы Станіслава Сівалобава 

Не так даўно ў Віцебскай бібліятэцы імя Еўфрасінні Полацкай адбыліся дзве прэзентацыі: кнігі Вольгі Грэдэль “Амазонка со скорой” і кнігі Станіслава Сівалобава “У поля жизни”. Апошні – адзін з аўтараў літаратурнага альманаха “Ратуша”.

Падчас фестывалю беларускага слова, які праходзіў у Віцебскім дзяржаўным універсітэце імя П.М. Машэрава, выступалі Франц Сіўко і Міхась Мірановіч.

Стася Наркевіч (Настасся Лазебная) сустракалася з навучэнцамі гімназій №8 і №7 г. Віцебска.

Алена Гінько стала госцяй тэлевізійнай перадачы “Вячэрні Віцебск”, якая была прысвечана паэзіі. Алена Іванаўна чытала на памяць вершы беларускіх паэтаў і свае ўласныя, якія ўвайшлі ў зборнік “Я думала душой”. Зборнік выйшаў улетку, набыць яго можна ў віцебскай краме “Светач” і мінскіх кнігарнях.

Ул. інф. Віцебскага абласнога аддзялення СБП, фота з архіву Настассі Лазебнай