Сяргей Астравец прэзентаваў сваё «Саргасава мора» (+ФОТА)

Сяргей Астравец -- аўтар сямі кніг, якія змяшчаюць прозу, эсэ, зацемкі, рэпартажы. "Саргасава мора" -- восьмая кніга. У творчым наробку літаратара шматлікія матэрыялы на гісторыка-культурную і сацыяльна-палітычную тэматыку, спадар Сяргей вядзе пісьменніцкі блог.

Сяргей Астравец распавядае тэлерэпарцёрам пра новую кнігу

Міхась Скобла і Сяргей Астравец

Від з вакна музея Петруся Броўкі

Старшыня ГА "Саюз беларускіх пісьменнікаў" Барыс Пятровіч

У апавяданнях аўтара, па меркаванні выступоўцаў Барыса Пятровіча і Міхася Скоблы, адбіваецца багаты журналісцкі досвед, яны фактаграфічныя, поўныя рэалістычных дэталяў, успамінаў пра мінулыя падзеі. "Адкрыўшы кнігу Сяргея, адчуваеш фіксацыю пэўнага часу, паглыбляешся ва ўспаміны пра тыя ж 1990-я", -- адзначыў журналіст і бард Зміцер Бартосік.

Сяргей Астравец

Барыс Пятровіч і Сяргей Астравец

Вечар атрымаўся камерны і ў пэўным сэнсе настальгічны. Спадар Астравец агучыў толькі адно апавяданне з "Саргасава мора", у асноўным аўтар і вядоўца, Старшыня СБП Барыс Пятровіч прыгадвалі студэнцтва (творцы вучыліся разам), час, калі прыйшло ў літаратуру пакаленне "Тутэйшых". Закранулі ў гутарцы таксама і гісторыю напісання прэзентаванай кнігі, абмеркавалі тэмы і сюжэты, якія знайшлі сваё месца на старонках зборніка.

Зміцер Бартосік

Міхась Скобла, Барыс Пятровіч, Сяргей Астравец

Прэзентацыя завяршылася аўтограф-сесіяй аўтара.

БОЛЬШ ФОТА ТУТ

Віка Трэнас, для lit-bel.org