Сястра Васіля Быкава памерла ад наступстваў нападу на яе

Дата публікацыі: 04.07.2016

2185

Пра гэта ў сваім фэйсбуку паведаміў Глеб Лабадзенка.

«Валянціна Уладзіміраўна Быкава памерла сёння а 8 раніцы ў віцебскай лякарні. 7 ліпеня ёй мусіла споўніцца 90 гадоў».

27 мая на Валянціну Уладзіміраўну ў яе доме, ва Ушацкім раёне, быў здзейснены напад. Нападніка яна не бачыла: пачуўшы нейкі шоргат у бакоўцы хаты, яна выйшла паглядзець з ліхтарыкам… Нападнік накінуўся ззаду, заціснуў ёй рот, каб не крычала, заламаў руку, некалькі разоў ударыў. З таго часу жанчына знаходзілася ў бальніцы.

nn.by