Тамара Аўсяннікава прэзентавала зборнік «Скрыжалі» (фота+відэа)

У маляўнічым атачэнні беларускай прыроды і вясковых хатак этнафальварка "Зялёны Гай" гучалі цудоўныя вершы ў выкананні спадарыні Тамары, нават некалькі народных песень, ну і канечне, цікавы расповед пра творчы шлях, жыццёвыя гісторыі, абставіны сяброўства са знакамітымі беларускімі творцамі, такімі, як Ніл Гілевіч, Яўгенія Янішчыц ды іншымі.

Напрыканцы, традыцыйна для такіх сустрэч, кожны ахвотны атрымаў памятны подпіс пісьменніцы ў набыты асобнік вершаў.

Матэрыялы прадастаўлены Магілёўскім абласным аддзяленнем СБП