Творчы вечар Міколы Яцкова адбыўся ў Магілёве

13 сакавіка клуб “Субяседнік”, які працуе пры магілёўскай гарадской бібліятэцы, запрасіў на сустрэчу з магілёўскім паэтам і кампазітарам, старшынём Магілеўскага аддзялення ГА “Саюз беларускіх пісьменнікаў” Міколам Яцковым.


Гучалі вершы ў аўтарскім выкананні, а потым спадар Мікола пазнаёміў прысутных са сваімі песнямі на вершы беларускіх паэтаў Эдуарда Акуліна, Кастуся Севярынца, Раісы Баравіковай, Тамаша Ляшонка і іншых.

Мікола Яцкоў

Адбылася таксама прэм’ера  упершыню прагучала песня “Жыві, мая каханая” на верш магілёўскага паэта Леаніда Осіпава. Аўтар слоў, які прысутнічаў на вечарыне, расказаў гісторыю ўзнікнення твора.

Леанід Осіпаў

Выступаюць Ала і Мікола Яцковы

Напрыканцы сустрэчы ў агульным выкананні прагучала “Песню бярыце з сабою” на легендарныя словы народнага паэта Беларусі Ніла Гілевіча.

 

Ул. інф. Магілёўскага аддзялення СБП