У Гродне пакажуць спектакль паводле паэмы Міколы Гусоўскага

Дата публікацыі: 07.06.2012

3657

Прэм'ера спектакля "Паляванне на зубра" адбудзецца сёння ў Гродзенскім абласным тэатры лялек.

Спектакль пастаўлены па матывах паэмы Міколы Гусоўскага "Песня пра зубра". Як інфармуе БЕЛТА, у спектаклі паказваюцца падзеі, якія адбываліся на беларускай зямлі ў эпоху Адраджэння. На сцэне можна будзе пабачыць такіх знакавых для гісторыі асобаў, як вялікага князя Літоўскага Вітаўта, каралеву Рэчы Паспалітай Бону Сфорцу. Асобныя радкі з тэксту паэмы пераплятаюцца з беларускімі народнымі песнямі.

Пастаноўку спектакля ажыццявіў Алег Жугжда.

euroradio.by