У Мінску прэзентавалі аўдыёкнігу ўспамінаў Ларысы Геніюш

Увечары 6 лістапада ў Мінску адбылася прэзентацыя аўдыёкнігі «Птушкі без гнёздаў» з успамінамі Ларысы Геніюш.

 Беларускае гістарычнае таварыства ў Польшчы і Беларускаяінтэрнэт-бібліятэка Kamunikat.org выдалі ўспаміны паэткі «Птушкі без гнёздаў» аўдыёкніжкай.

Агучыла кнігу народная артыстка Беларусі Зінаіда Бандарэнка.

Па словах праграмнага дырэктара «Радыё Рацыя» Яраслава Іванюка, аўдыёкніжка ўбачыла святло ў рамках праекта «Памяць па-над часам і межамі».

Таксама неўзабаве ўспаміны Ларысы Геніюш выйдуць у перакладзе на польскую мову. Над тэкстам працаваў адзін з лепшых перакладчыкаў Чэслаў Сэнюх.

Польскі варыянт кнігі будзе ўзбагачаны архіўнымі фатаздымкамі, з якіх частка яшчэ нідзе не друкавалася, а таксама грунтоўнымі каментарамі гісторыкаў.

Па словах Іванюка, праект рэалізуецца пры дапамозе польскага МЗС і пад патранажам «Радыё Рацыя» і Польскага радыё для замежжа, дзе гэтыя ўспаміны таксама гучаць у эфіры. Ён падзякаваў сям’ю Ларысы Геніюш, «без дапамогі якой гэты праект, напэўна, не ажыццявіўся б».

 

«Тое, з чым я сутыкнулася пры агучванні аўдыёкніжкі, — распавяла Зінаіда Бандарэнка, — гэта на самай справе настолькі ўзнёслая і адказная праца, што прайшло ўжо некалькі месяцаў, а ўсё не магу пра гэта забыць. Лічу, што гэтая кніга павінна быць у кожнага з нас на стале. І калі мы яе прачытаем, мы будзем жыць па-іншаму, паводзіць сябе па-іншаму і змагаццапа-іншаму».

Бард Алесь Камоцкі праспяваў песні на словы Геніюш.

БелаПАН праз nn.by