У Мінску развіталіся з Іванам Пташнікавым

Дата публікацыі: 30.07.2016

3176

А першай гадзіне дня аўтобус спецкамбіната КБО ад'ехаў ад вуліцы Альшэўскага і скіраваўся да Паўночных могілак. Там, у рытуальнай зале мінскага крэматорыя адбылася кароткая грамадзянская паніхіда па Івану Мікалаевічу Пташнікаву. Ад імя пісьменнікаў прысутнічалі і выступілі першы намеснік старшыні ГА "Саюз беларускіх пісьменнікаў" Алесь Пашкевіч і крытык Ціхан Чарнякевіч.

Развітанне было ціхім і прайшло ў вузкім коле родных і блізкіх Івана Пташнікава. Пахаваны пісьменнік побач з жонкай, якая адышла 11 гадоў назад.