У кнігарні “логвінаЎ абмяркуюць, што чытаць і перакладаць

Дата публікацыі: 09.09.2011

3213

12 верасня (панядзелак) у кнігарні “логвінаЎ” пройдзе падвядзенне вынікаў конкурсу на найлепшы пераклад навелы Генрыха фон Кляйста “Землятрус у Чылі”. Конкурс быў арганізаваны Інстытутам імя Гётэ ў Мінску і часопісам “ПрайдзіСвет”.

Пасля ўзнагароджання пераможцы і ўдзельнікаў чакаецца дыскусія з удзелам перакладчыкаў і чытачоў на тэму: “Што я хачу перакладаць?/Што я хачу чытаць?”.

Падчас дыскусіі адбудзецца прадстаўленне праграмы падтрымкі перакладу Інстытута імя Гётэ і дапаможных рэсурсаў для перакладчыкаў.

Да дыскусіі запрашаюцца ўсе аматары замежнай літаратуры і мастацкага перакладу.

Пачатак а 19-й.

Адрас кнігарні “логвінаЎ”: пр-т. Незалежнасці, 37А.

prajdzisvet.org