У святле “Жырандолі”

  Жырандольцам

Жырандоля, жырандоля –

льецца  песня у прасцяг:

Наша слова, наша воля,

наш бел-чырван-белы сцяг!

 

Жырандоля, жырандоля!

Рэха коціцца за Буг:

наша сонца, наша доля,

баразна, ралля і плуг.

 

З Жырандоляй, з жырандоляй --

не загінем мы сябры ,

як, акрыленыя воляй,

Белавежскія зубры!

 

Такім экспромтам-прысвячэннем намеснік старшыні ГА “Саюз беларускіх пісьменнікаў” Эдуард Акулін распачаў свята Кнігі, зладжанае сябрамі Брэсцкага аддзялення СБП у памяшканні адноўленага будынка Цэтральнай гарадской бібліятэкі імя А.С. Пушкіна. Пасля віншавальнага слова госць выказаў падзяку за плённае супрацоўніцтва і перадаў дырэктару бібліятэкі Святлане Сямашка 9 тамоў твораў Васіля Быкава, выданнем якога займаецца пісьменніцкая арганізацыя. Затым па чарзе бралі слова берасцейскія творцы: Васіль Дэбіш, Алесь Каско, Леанід Філатаў, Мікалай Аляксандраў, Леанід Валасюк,  Мікола Сянкевіч, прзентуючы свае новыя кігі і творы, надрукаваныя ў чацвёртым нумары літаратурнага штогадовіка “Жырандоля”. Падсумаваў вынікі літаратурнага года старшыня Брэсцкага аддзялення СБП Іван Мельнічук. Хораша, на высокай паэтычнай ноце  правяла вечарыну-прэзентацыю  паэтка і літаратуразнаўца Святлана Варонік.

Вядоўца Святлана Варонік і Мікалай Аляксандраў

Васіль Дэбіш

Леанід Філатаў

Алесь Каско

Лявон Валасюк

Эдуард Акулін і дырэктар бібліятэкі імя А.С. Пушкіна Святлана Сямашка

Ул. інф.