Уладзімір Арлоў перадаў кнігу “Краіна Беларусь” Папу Францішку

“Ілюстраваная гісторыя Краіна Беларусь” (аўтар тэксту – Уладзімір Арлоў, мастак – Зміцер Герасімовіч) стане падарункам для Яго Святасці Папы Францішка.

Англійскую версію гэтай кнігі (“This country called Belarus”) Уладзімір Арлоў перадаў Апостальскаму Нунцыю ў суботу 30 жніўня 2014, у дзень малітоўнага ўспаміну Біскупа Чэслава Сіповіча, у капліцы Душпастырскага цэнтра парафіі Праведнага Язэпа ў Мінску, перад Архіерэйскай Літургіяй, якую ўзначаліў дапаможны біскуп Прэшаўскай грэка-каталіцкай архіепархіі Уладыка Мілан Лях.

Апостальскі Нунцый прыняў з удзячнасцю гэты падарунак, паблаславіў Уладзіміра Арлова і ягоную жонку Валянціну Аксак, паэтэсу і журналістку, на іх творчую працу ды запэўніў, што кнігу перадасць асабіста Святому Айцу ў дзень сустрэчы з Ім, 25 верасня 2014 г.

svjazep.org