Васіль Аўраменка прэзентаваў сваю новую кнігу ў Магілёве

Змест кнігі ўяўляе сабой аўтарскія рэтраспекцыі ў асабістае мінулае і філасофскія разважанні аб тых аспектах свайго “я”, да вывучэння якіх у свой час прыклаў вялікія намаганні вядомы Зігмунд Фрэйд. Таму прэзентацыя кнігі і атрымала адмысловую назву — “Пра сэкс, каханьне і любоў”.

Васіль Аўраменка

Апрануўшыся ў адпаведны строй — хатні халат і пантофлі — спадар Аўраменка зацікавіў прысутных сваім менавіта беларускім бачаннем пазначанай тэматыкі і выказаў думку, што гэта кніга дазволіць усім чытачам падысці бліжэй да асэнсавання  сваіх “эга”-сусветаў — з прыхаванымі таямніцамі памяці, адкуль хвалюючыя досведы глядзяць у дзень сённяшні, саграваючы нас сваім цёплым дыханнем.

Алена Лаўранцова зацікавілася кнігай

Віталь Еўмянькоў

Сваімі думкамі падзяліліся вядомы магілёўскі гісторык Аляксандр Агееў і фотамастак Аляксандр Ліцін, які прымаў удзел у стварэнні дызайна кнігі.

Злева направа: Аляксандр Сувораў, Ала Яцкова, Міхась Булавацкі і Базыль Камароў

Удзельнікам была прапанавана філалагічная віктарына па веданні беларускай мовы — з яе шырокімі магчымасцямі ўжывання адпаведнай тэрміналогіі. Кожны з пераможцаў атрымаў па экзэмпляру кнігі.

У чарзе па аўтограф

Таксама адбыліся паказ відэапрэзентацыі, вольны абмен думкамі і аўтарская аўтограф-сесія.

Магілёўскае абласное аддзяленне СБП

Фотаздымкі Дзяніса Васількова і Міколы Яцкова

Прэсавая служба СБП