Вечар фельетонаў адбыўся ў Бабруйску

Дата публікацыі: 30.09.2014

2316

Анатоль Санаценка

Паслухаць смешныя гісторыі бабруйскага журналіста і пісьменніка прыйшлі каля 30 чалавек: сябры БАЖ, сябры «Бобруйского курьера», актывісты грамадскіх арганізацый, проста бабруйчане...
Прагучала дзесяць фельетонаў, выкананых артыстычна, у эстраднай манеры. Прычым кожнаму нумару папярэднічала адпаведнае музычнае афармленне.

Аўтар шмат жартаваў і акрамя фельетонаў. Сваю «перакваліфікацыю» ў сатырыка ён патлумачыў так:

— Падчас святкавання стагоддзя «Бабруйскага кур'ера» у мяне была прамова трохі ў гумарыстычным духу. Мне сказалі: ты прама як Жванецкі. Ну, я і вырашыў: прама – гэта не крыва, а праўда – гэта не крыўда. Вось так і «перакваліфікаваўся». На час ці назаўсёды – там будзе відаць...