Вечарына памяці воінаў-інтэрнацыяналістаў адбылася ў Магілёве

Вядучыя Ірына Цінякова і Святлана Міхальчук. Выступае Мікола Яцкоў

Бібліятэкары Ірына Цінякова і Святлана Міхальчук у суправаджэнні змястоўнай відэапрэзентацыі нагадалі прысутным аб тых гістарычных падзеях.

Пётр Лебядзінцаў. Ігар Сакалоўскі

Успамінамі пра былое падзяліліся ганаровыя госці мерапрыемства — удзельнікі афганскай вайны, падпалкоўнік запасу Пётр Серафімавіч Лебядзінцаў і маёр запасу Ігар Георгіевіч Сакалоўскі.

Фотаздымак на ўспамін

Старшыня Магілёўскага аддзялення СБП Мікола Яцкоў у сваім выступленні падкрэсліў, што памяць пра Афганістан знаходзіць сваё адлюстраванне ў творах розных жанраў, і выканаў некалькі сваіх песень на вершы ўдзельніка афганскіх падзей Уладзіміра Карпухіна.

Помнік воінам-інтэрнацыяналістам у Магілёве

У бібліятэцы была разгорнута кніжная выстава адпаведнай тэматыкі.

Фотаздымкі Алы Яцковай і Святланы Міхальчук

Ул. інф. Магілёўскага абласнога аддзялення СБП