Вера Буланда выступіла ў Дзяржынску

Размова актывізавалася з першай хвіліны. Не паспелі яшчэ ўсе сабрацца, як узніклі пытанні: на якой мове пісаць беларускаму аўтару? Як выдаць кнігу ў наш час? Чаму паэтэса выбрала сваёй роднай мовай беларускую? Адкуль чэрпаюцца тэмы?

На гэтыя і іншыя пытанні былі атрыманы адказы: канечне, беларусу лепш пісаць па-беларуску, і калі гаворыш пра мову, то міжволі ўспамінаеш радкі Пімена Панчанкі:

Стаю ля жыта,

Малюся жыту,

Пішу пра жыта,

Ізноў пра жыта:

Умее жыта

Душу лячыць,

Пакінь, зязюля,

Гады лічыць!

Жаўранка песня

Ў небе дрыжыць…

О божа мілы,

Як добра жыць!

Удзельнікі гуртка слухалі госцю і чыталі ўласныя вершы. Усе наведнікі актыўна ўдзельнічалі ў вечарыне і таму атрымалі падарункі ад грамадска-культурніцкай кампаніі “Будзьма беларусамі”: дыскі з анімацыйным фільмам “Будзьма беларусамі”, серыю паштовак, якая нагадвае, чым і кім мы, беларусы, адметныя.

На паштоўках Вера Буланда пакінула свае аўтографы.