» Навіны » Выйшла новая кніга Віктара Шалкевіча

Выйшла новая кніга Віктара Шалкевіча

Дата публікацыі: 15.03.2011
2079

“Requiem па непатрэбных рэчах” Віктара Шалкевіча — новая кніга серыі “Гарадзенская бібліятэка”. Прэзентацыя мае адбыцца 20 сакавіка ў Горадні падчас беларускай дыктоўкі, пра гэта паведаміў выдавец Павал Мажэйка.

У кнізе, у якой сто старонак, аўтар апавядае аб рэчах, якія былі важныя ў ягоным жыцці калісьці, але з часам сталі непатрэбныя: прыкладам, старая радыёла або віяланчэль. Выданне ілюструюць два дзесяткі здымкаў з прыватнага альбому аўтара.

Віктар Шалкевіч — бард, тэатральны актор, які жыве ў Горадні. Летась у бібліятэчцы часопіса “Дзеяслоў” выйшла першая яго кніга “Блюз Вясна” з тэкстамі песень.

svaboda.org