Вызначаныя лаўрэаты прэмій ПЭН-цэнтру

Дата публікацыі: 13.12.2012

1596

Рада Беларускага ПЭН-цэнтру назвала лаўрэатаў прэмій імя Адамовіча і Багушэвіча.

Прэмія імя Алеся Адамовіча прысуджаная Аляксандру Фядуту за кнігу турэмнай лірыкі «Американские стихи» і Валеру Булгакаву за кнігу публіцыстыкі «Беларусь 1994–2004 г.г.: разбудова дзяржавы і перасьлед нацыі».

Прэмія імя Францішка Багушэвіча прысуджаная Уладзімеру Ляхоўскаму за кнігу «Ад гоманаўцаў да гайсакоў. Чыннасьць беларускіх маладзёвых арганізацый у 2-й палове XIX ст. — 1-й палове XX ст. (да 1939 г.)» і Алесю Краўцэвічу за кнігу «Гедымін (1316–1341). Каралеўства Літвы і Русі».

Цырымонія ганаравання лаўрэатаў адбудзецца на пачатку 2013-га года.

Літаратурная прэмія імя Алеся Адамовіча была заснаваная Беларускім ПЭН-цэнтрам і прысуджаецца за найлепшыя публіцыстычныя творы, надрукаваныя ў прамінулым годзе.

Лаўрэаты мінулых гадоў:

1995 — Павал Шарамет, Анатоль Казловіч, Віталь Цыганкоў, Валянцін Жданко, Самсон Палякоў і рэжысэр Анатоль Алай;
1996 — Віталь Тарас, Людміла Хейдарава;
1998 — Сяргей Дубавец;
2000 — Міхась Скобла; Сяргей Шупа
2001 — Валянцін Акудовіч;
2004 — Генадзь Бураўкін;
2006 — Сяргей Навумчык;
2007 — Павал Севярынец;
2010 — Сяргей Шапран;
2011 — Аляксандар Тамковіч і Мікалай Мельнікаў.

Літаратурная прэмія імя Францішка Багушэвіча — штогадовая прэмія Беларускага ПЭН-цэнтру. Заснаваная ў 1995 годзе. Традыцыйна ўручаецца 22 сакавіка (да Дня Волі) "за творы, якія служаць аднаўленню гістарычнай памяці народа і спрыяюць адраджэнню Беларусі".

Спіс лаўрэатаў:

1995 — Кастусь Акула;
1996 — Уладзімер Арлоў;
1997 — Лявон Баршчэўскі і Аляксандар Лукашук;
1998 — Сяргей Ёрш;
1999 — Вячка Целеш і Ала Сакалоўская;
2000 — Ніна Стужынская;
2001 — Алесь Белы;
2002 — Андрэй Катлярчук;
2003 — Захар Шыбека;
2004 — Аляксандр Надсан;
2006 — Леанід Маракоў;
2010 — Вольга Бабкова;
2011 — Зміцер Санько і Людміла Рублеўская.

Валянціна Аксак, svaboda.org