Віншуем Лідзію Мініч з юбілеем!

Лідзія Мініч (Андрэева)

Шаноўная Лідзія Андрэеўна! Прыміце нашыя шчырыя віншаванні з юбілеем і пажаданні моцнага здароўя, дабрабыту, поспехаў Вам і Вашым блізкім, радасці і натхнення!

ГА "Саюз беларускіх пісьменнікаў"

Лідзія Мініч нарадзілася 22 студзеня 1940 года ў в. Рэкта Клімавіцкага р-на Магілёўскай вобл.

Сярэднюю адукацыю атрымала ў Клімавічах, затым навучалася на заатэхнічным факультэце БСГА, скончыла аспірантуру, выкладала. Кандыдат сельскагаспадарчых навук (1989), дацэнт. Першыя вершы з’явіліся ў 1999 годзе ў раённай газеце “Ленінскі шлях”.  

У 2005 з’явіўся першы зборнік “Спешу сказать…”. Усяго выйшла 6 паэтычных зборнікаў: “Жыватворная крыніца” (2007), “Мая сям’я ад А да Я: вершы для дзяцей” (2010), “Споведзь” (2010), “На хвалях вечнасці: міфы і легенды ў вершах” (2012), “І боль, і мары, і любоў” (2013).

Асенняя  мелодыя

 

Пяе апошнюю хвілінку

Лісток асенні залаты.

Яму на струнах-павуцінках

Павук іграе малады.

 

Льнуць павуціначкі да скроні.

На рукі ліпнуць. А ўгары

Дзесь лета бабіна гамоніць:

Мілей няма такой пары.

 

Якое дзіўнае адзенне –

Апошні восеньскі дэкор.

І дорыць радасці імгненні

Барвова-залацісты ўбор.

 

Каронаў залатых шаптанне…

У ціхі сонечны дзянёк

На хвалях рэчкі ў срэбным ззянні –       

Караблік – клёніка лісток.

Лідзія Мініч            

Прэсавая служба СБП