» Навіны » Ялінка Салаўёва сустрэлася з Нілам Сымонавічам Гілевічам

Ялінка Салаўёва сустрэлася з Нілам Сымонавічам Гілевічам

Дата публікацыі: 04.03.2013
2375

3 сакавіка 2013 года адбылася сустрэча народнага паэта Беларусі Ніла Гілевіча з Ялінкай Салаўёвай -- адзінай вучаніцай адзінага беларускамоўнага класа школы № 1 г. Магілёва.

Злева направа: Мікола Яцкоў, Зміцер, Надзея і Ялінка Салаўёвы, Ніл Гілевіч

Ніл Сымонавіч з цікавасцю і прыязнасцю пазнаёміўся з бацькамі Ялінкі -- Надзеяй і Змітром. Дзяўчынка прачытала верш Ніла Сымонавіча і ўручыла паэту падарунак, зроблены сваімі рукамі.

Ялінка Салаўёва і Ніл Гілевіч

За кубачкамі гарбаты адбылася сяброўская гутарка, дзе размова пра беларускасць і родную мову пераплялася з успамінамі і чытаннем разнастайных вершаў. У сустрэчы прыняў удзел старшыня магілёўскага аддзялення СБП Мікола Яцкоў.

Ул. інф. Магілёўскага аддзялення СБП