Юбілейная вечарына Яраслава Клімуця адбылася ў Магілёве

Яраслаў Клімуць

На ўрачыстым Беларускім гуртку Магілёўскага аддзялення ТБМ імя Ф. Скарыны, прымеркаваным гэтай значнай даце, жывая легенда філфака Магілёўскага дзяржаўнага ўніверсітэта, літаратуразнаўца, сябра Саюза беларускіх пісьменнікаў, адзін з заснавальнікаў Таварыства беларускай мовы, надзвычай цікава і захапляльна распавёў гісторыю свайго жыцця, так моцна пераплеценую з лёсам нашай краіны, пра сустрэчы і сяброўства з выбітнымі дзеячамі беларушчыны, узгадаў яскравыя моманты і прыгоды ад самага маленства, якое прыпала на ваенны час, да апошніх сённяшніх падзей.

Алег Дзьячкоў і Яраслаў Клімуць

Аркадзь Смаляк віншуе юбіляра

Шмат цёплых і шчырых слоў выказалі ў гэты вечар юбіляру калегі-выкладчыкі – Аркадзь Смаляк, Міхась Булавацкі, Наталля Лебедзева, старшыня Магілёўскага абласнога аддзялення СБП Мікола Яцкоў, сябры ТБМ.

Выступае Мікола Яцкоў

Міхась Булавацкі

І надалей зычым паважанаму спадару Яраславу бадзёрасці, здароўя, плёну ў працы і поспехаў у творчасці!

 

Паводле ўл. інф. Магілёўскага абласнога аддзялення СБП, фота: Алесь Сабалеўскі