Юлія Шарова прэзентуе дэбютную кнігу – 17 снежня

Дата публікацыі: 12.12.2012

2225

17 снежня (панядзелак) у кнігарні "логвінаЎ" (пр. Незалежнасці, 37А) адбудзецца прэзентацыя дэбютнай электроннай кнігі Юліі Шаровай – рамана “Don Giovanni, або Памілаваны свавольнік”. Пачатак у 20.00.

Крыху пра раман. У оперным тэатры горада N існуе дзіўны звычай: маўляў, нельга дарабляць працу за калегам, які заўчасна і раптоўна памёр. Нельга спяваць і танчыць чужую партыю, нельга гартаць партытуру з пазнакамі дырыгента-нябожчыка. Але што рабіць, калі такая “чужая праца” — твая запаветная мара? Галоўны герой вырашае рызыкнуць і згуляць з лёсам, хоць вынік той гульні прадказальны…

Вядоўца імпрэзы — Андрэй Хадановіч.

Уваход (сва)вольны. Чакаецца піяніна ў кустах.

Прэсавая служба СБП