З Сусветным Днём паэзіі!

Дата публікацыі: 21.03.2018

7171

Гэты дзень садзейнічае развіццю паэтычнага слова, падтрымлівае моўную разнастайнасць і традыцыі паэтычных чытанняў, актуалізуе вершаванне поруч з іншымі родамі літаратуры і відамі мастацтва. Шчыра віншуем усіх творцаў і аматараў паэзіі, жадаем натхнення ў напісанні і ў чытанні вершаў!

ГА "Саюз беларускіх пісьменнікаў"

***

Паэзія — хвароба ўсіх вякоў.
Паэзія — служанка й каралева.
Лірычных слёз рашучая залева
Астудзіць стому босых ступакоў.

Сцяжыны ўмуражэлыя радкоў
Бягуць пад засень ранішняга дрэва,
Дзе яблык падалА Адаму Ева,
Дзе спяць сляды пегасавых падкоў.

Што з вулічнай звязаўся, як вяльможа,
Паэт сябе й паэзію кляне,
Ды слабіну сваю не пераможа.

Ад славы камянеюць вершаробы,
Зірні наўкол — валун пры валуне.
Жыццё ад смутку гіне без хваробы.

Рыгор Барадулін

Прэс-служба ГА "Саюз беларускіх пісьменнікаў"

Тэгі: святы, паэзія