"Залаты апостраф" уручаць сёння

Дата публікацыі: 22.02.2013

1124

Учора на старонцы ў фэйсбуку ГА "Саюз беларускіх пісьменнікаў" мы скончылі прымаць вашы варыянты спісу лаўрэатаў прэміі часопіса "Дзеяслоў" за лепшую публікацыю 2012 года. Інтрыга захавалася. Усіх пераможцаў не адгадаў ніхто, хаця былі адказы, дзе правільна называліся два прозвішчы з трох.

Такім чынам, імёны тых, хто атрымае "Залаты апостраф", рэдактар часопіса Барыс Пятровіч агучыць сёння на цырымоніі ўзнагароджання.

Адбудзецца яна ў кнігарні “логвінаЎ” (пр. Незалежнасці, 37А).

У вечарыне возьмуць удзел сёлетнія пераможцы, а таксама лаўрэаты мінулых гадоў — Уладзімір Някляеў, Леанід Дранько-Майсюк, Віктар Казько, Людміла Рублеўская. Спецыяльны госць — Алесь Камоцкі.

Пачатак у 18.30. Уваход вольны

Прэсавая служба СБП