Завершаны прыём заявак на прэмію імя Ежы Гедройца

За апошні месяц дадаліся ў спіс наступныя кнігі:

• Сяргей Балахонаў. «Зямля пад крыламі Фенікса. (Нарысы з паралельнай гісторыі Беларусі)». Мінск: Логвінаў, серыя «Галерэя Б».
• Алесь Бычкоўскі. «Анамалія». Мінск: Галіяфы, серыя «Калекцыя беларускай фантастыкі».
• Валянціна Доўнар. «Каб сказаць... і пачулі». Мінск: Харвест.
• Севярын Квяткоўскі. «Падарунак для Адэлі». Мінск: Логвінаў.
• Уладзімір Някляеў. «Аўтамат з газіроўкай з сіропам і без. Мінскі раман». Мінск: Паперус.
• Алесь Пашкевіч. «Сімъ Побѣдиши». Мінск: Кнігазбор.
• Людміла Рублеўская. «Авантуры Пранціша Вырвіча, шкаляра і шпега». Мінск: Выдавецкі дом «Звязда».
• Мікола Сянкевіч. «Незваротны шлях». Берасце: Альтэрнатыва.

Цяпер колькасць прэтэндэнтаў пераваліла за чатыры дзясяткі. З іх у першай палове студзеня 2013 года будзе абвешчаны лонг-ліст прэміі. У яго трапяць 12 кніг. А пазней — шорт ліст з шасцю намінантамі, з якіх будзе вызначаная тройка пераможцаў. Прэмія імя Ежы Гедройца ўручаецца ў другі раз. Першым яе лаўрэатам стаў Павал Касцюкевіч са зборнікам апавяданняў «Зборная РБ па негалоўных відах спорту». Ён атрымаў 105 мільёнаў беларускіх рублёў.

Валянціна Аксак, svaboda.org