Еўрапейскія пісьменнікі сабраліся ў Мінску

Выступае прэзідэнт Еўрапейскай Пісьменніцкай Рады Гунар Ардэліус (Швецыя)
У паседжанні асамблеі ўзялі ўдзел 32 прадстаўнікі пісьменніцкіх арганізацый з Англіі, Беларусі, Даніі, Кіпра, Германіі, Гішпаніі, Ісландыі, Каталоніі, Латвіі, Нарвегіі, Славеніі, Харватыі, Фінляндыі, Швецыі, Эстоніі.

Гэтая асацыяцыя існуе з 1977 года і ўсяго аб’ядноўвае 44 літаратурныя арганізацыі Заходняй і Цэнтральнай Еўропы. Асамблея ўпершыню праходзіць на постсавецкай прасторы.
  
ГА "Саюз беларускіх пісьменнікаў" з'яўляецца правадзейным чальцом Еўрапейскай Пісьменніцкай Рады з 2010 года.
  

Перакладчыца Наста Лабада і старшыня Саюза беларускіх пісьменнікаў Барыс Пятровіч (Сачанка) 

З прывітальным словам да замежных гасцей і дакладам пра дзейнасць СБП выступілі старшыня арганізацыі Барыс Пятровіч (Сачанка) і сакратар Сюзанна Паўкштэла.

Асамблея працягне сваю працу 4 чэрвеня, у праграме плануецца прэзентацыя зборніка маладых беларускіх паэтаў у перакладзе на англійскую мову.


Тэкст і фота: Віка Трэнас

Прэс-служба ГА "Саюз беларускіх пісьменнікаў"