Фестываль «Pradmova» пройдзе ў Бабруйску

14 сакавіка ў прасторы “Тайм-клуб “1387” (вул. Чангарская, 54) адбудзецца фестываль інтэлектуальнай кнігі «Pradmova». Цягам дня з вамі пісьменнікі, інтэлектуалы, музыкі, выдаўцы і іншыя героі нашага часу.

 

Праграма “Прадмова — Бабруйск”

16:00 - 16:30 “Ангельскія раздзяўбаі ў беларускай байдарцы”. Размова пра класічную сатыру з перакладчыкам раману Джэрома К. Джэрома “Трое ў чоўне і пёс з імі” Паўлам Касцюкевічам

16:30 - 16:50 Прэзентацыя кнігі “Ўводзіны ў філасофію” з яе ўкладальнікам Паўлам Баркоўскім

16:50 - 17:10 — “Симфония еврейского древа Брестчины”: прэзентацыя кнігі Уладзіміра Глазава (Брэст)

17:10 - 17:30 “Кава ў арліным гнязьдзе”: прэзентацыя зборніка паэзіі Валянціны Аксак

17:30 - 18:20 Часопіс “Дзеяслоў” прадстаўляе: “Дзея ў слове”: Уладзімер Арлоў, Анатоль Івашчанка, Уладзімер Сцяпан, Андрэй Федарэнка. У праграме — чытанні твораў, віктарына на веданне міфалогіі “Дзеяслова” і іншыя цікавосткі.

18:20 - 19:10 Дыскусія “Хайп падчас цэнзуры: свабода слова і этыка”

Андрэй Бастунец, Сабіна Брыло, Таццяна Нядбай, Барыс Пятровіч

Мадэратар: Андрэй Хадановіч

19:10-19:30 “Я и другие люди”: прэзентацыя зборніка паэзіі Сабіны Брыло

19:30 - 20:20 Дыскусія “Як пісаць, калі я — арганізацыя?”. Распавядаюць (і чытаюць уласныя творы!) Андрэй Бастунец (Беларуская асацыяцыя журналістаў), Таццяна Нядбай, Андрэй Хадановіч (Беларускі ПЭН-Цэнтр), Барыс Пятровіч (Саюз беларускіх пісьменнікаў). Мадэруе: Аляксандра Дварэцкая

20:20 - 20:40 Сустрэча з Таняй Скарынкінай. Прэзентацыя зборніка вершаў “И все побросали ножи” і чытанне твораў з будучай кнігі “Райцэнтр”

20:40 - 21:20 “Страшныя казкі”. Ігар Крэбс, Андрэй Хадановіч, Ганна Янкута з прэзентацыяй навінак серыі “Паэты планеты”: Геарг Гайм, Фернанду Песоа, К. І. Галчыньскі

21:20 - 22:00 Зміцер Бартосік: Показкі і песенкі

 

Праграма для дзяцей і падлеткаў:

16:00 - 17:00 Прэзентацыя кніг Лілі Ільюшынай “Ключ дарог: Пачатак” і “Мэтт Грэнвилл, Везучий Неудачник” і Аляксея Шэіна “Сем камянёў”

17:00 - 17:15 Прэзентацыя новых дзіцячых часопісаў “Асцярожна: дзеці” і “Дуду” (Аляксей Шэін)

17:15 - 18:00 Прэзентацыя кнігі “Кот Шпрот і зніклы мышамабіль” з яе аўтаркай Ганнай Янкутай

Падчас праграмы пройдзе паказ буктрэйлераў Прэміі Гедройца-2019.

Уваход на ўсе часткі праграмы вольны.

Можна будзе не толькі паслухаць літаратараў і музыкаў, але і набыць кнігі выдавецтваў “Логвінаў”, “Галіяфы”, “Янушкевіч”, “ARCHE”, часопісы з серыі “Наша Ніва” і “Суродзічы” ды атрымаць аўтографы аўтараў і перакладчыкаў.

«Pradmova» – пляцоўка для камунікацыі паміж выдаўцамі, аўтарамі, рэдактарамі, ілюстратарамі, дызайнерамі і чытачамі. Фестываль праходзіць з 2018 года ў Мінску і рэгіёнах Беларусі. Штогод у ім прымаюць удзел найлепшыя беларускія і замежныя літаратары, а праграма складаецца з дзесяткаў разнастайных імпрэз.

 

Паводле прэс-рэлізу