Марыя Мартысевіч — лаўрэатка Прэміі імя Наталлі Арсенневай

Дата публікацыі: 11.09.2019

554

Сябра нашай арганізацыі Марыя Мартысевіч атрымала прэмію Наталлі Арсенневай. Найлепшай кнігай 2019 года названа яе "Сарматыя". Віншуем!

У кароткі спіс прэтэндэнтаў на ўзнагароду таксама ўваходзілі: Уладзімір Арлоў "Паручнік Пятровіч і прапаршчык Здань" і Надзея Артымовіч "Краявід з невідочнай памылкай".

Прыз прэміі сёлета складае 4000 беларускіх рублёў.

У склад журы прэміі сёлета ўвайшлі паэт і загадчык літаратурнага музея Максіма Багдановіча Міхаіл Бараноўскі, паэтка, перакладчыца і літаратуразнаўца Марыяна Кіяноўская, літаратуразнаўца і доктар філалагічных навук Анжэла Мельнікава, паэтка і бард Лера Сом, паэт і арганізатар літаратурных мерапрыемстваў Дзмітрый Строцаў.
Прэс-служба ГА "Саюз беларускіх пісьменнікаў"

Тэгі: Прэмія Арсенневай