Перакладчыцу Вольгу Калацкую абвінавацілі паводле крымінальнага артыкулу

Дата публікацыі: 16.01.2021

1184

Вядомую перакладчыцу Вольгу Калацкую абвінавацілі паводле 342 артыкулу Крымінальнага кодэксу — «Арганізацыя і падрыхтоўка дзеяньняў, што груба парушаюць грамадскі парадак, альбо актыўны ўдзел у іх».

Пра гэта яе адвакату сёньня паведамілі ў Фрунзенскім РУУС. Паводле якой часткі гэтага артыкулу, пакуль не вядома, піша БАЖ

Яе затрымалі 15 студзеня. А 16 студзеня павезьлі на сьледчыя дзеяньні.

Вольга Калацкая жыве з 89-гадовай маці, якой патрэбны догляд.

Вольга Калацкая пераклала на беларускую мову дзясяткі фільмаў, сэрыялаў і кніг, у тым ліку творы Вірджыніі Вулф, Тэнэсі Ўільямса, Уільяма Голдынга, Пола Остэра, Тоні Парсанза, Артура Голдэна, фільмы «Глядыятар», «Шрэк», «Сямейка Смітаў» ды іншыя.

Радыё Свабода

Тэгі: рэпрэсіі, Вольга Калацкая