Пісьменніцкая сустрэча прайшла ў медыцынскім універсітэце

Учора па запрашэнні Беларускага дзяржаўнага медыцынскага ўніверсітэта гэтую ўстанову адукацыі наведалі вядомыя беларускія літаратары: празаік, галоўны рэдактар часопіса "Дзеяслоў", старшыня ГА "Саюз беларускіх пісьменнікаў" Барыс Пятровіч, паэт, тэлевядоўца, намеснік старшыні ГА "Саюз беларускіх пісьменнікаў" Усевалад Сцебурака; паэт, адказны сакратар часопіса "Дзеяслоў" Анатоль Івашчанка.


Барыс Пятровіч прэзентуе свежы нумар часопіса "Дзеяслоў"

Падчас сустрэчы пісьменнікі-госці медыцынскага ўніверсітэта распавялі пра дзейнасць Саюза беларускіх пісьменнікаў, працу рэдакцыі часопіса "Дзеяслоў", Школы маладога пісьменніка. Гледачы, якіх сабралося больш за сотню чалавек, прыязна рэагавалі на выступы, задавалі цікавыя пытанні. Акрамя саміх студэнтаў, на сустрэчу завіталі і прадстаўнікі выкладчыцкага складу, дэканату і рэктарату.


Прэс-служба ГА "Саюз беларускіх пісьменнікаў"