Прагучалі незабы(і)тыя галасы (+ФОТА)

29 кастрычніка, у дзень памяці ахвяр палітычнага тэрору, ГА "Саюз беларускіх пісьменнікаў" адкрыў помнік даследчыку Леаніду Маракову на Заходніх могілках Мінска і правёў літаратурныя чытанні памяці загінулых у жорнах сталінскіх рэпрэсій -- назаўсёды маладых, таленавітых і не забытых. З кожным годам усё большае колькасць людзей неабыякавых, людзей добрай волі, якія ўшаноўваюць іх памяць і словам, і справай.

У Дзяржаўным музеі гісторыі беларускай літаратуры былі прачытаныя паэтычныя і празаічныя творы Анатоля Вольнага, Платона Галавача, Максіма Гарэцкага, Уладзіміра Дубоўкі, Алеся Дудара, Уладзіміра Жылкі, Міхася Зарэцкага, Мойшэ Кульбака, Тодара Кляшторнага, Юркі Лявоннага, Валерыя Маракова, Міхася Чарота і многіх іншых.


Фота: Віка Трэнас