Саюз пісьменнікаў Швецыі глыбока занепакоены лёсам паэта Дзмітрыя Строцава

Заява Саюза пісьменнікаў Швецыі.

Саюз пісьменнікаў Швецыі глыбока занепакоены лёсам калегі Дзмітрыя Строцава. Строцаў, які знік учора раніцай, знаходзіцца пад вартай у Акрэсціна і будзе перададзены ў суд сёння, 22 кастрычніка, па абвінавачанні ва ўдзеле ў несанкцыянаванай масавай дэманстрацыі.

Як мы ўсе ведаем, гэта пратэсты супраць недэмакратычных выбараў, пасля якіх Лукашэнка прызначыў сябе прэзідэнтам насуперак волі народа.

Тое, што Строцаў, разам з большай часткай беларускага народа, патрабаваў новых выбараў – не  з’яўляецца злачынствам. Мы пратэстуем і патрабуем неадкладнага яго вызвалення.

"Дзмітрый Строцаў – адзін з самых вядомых паэтаў Беларусі. Ён вядомы на міжнародным узроўні, яго творы перакладзеныя і на шведскую мову. Голас Строцава надзвычай важны для беларускай літаратуры. Ён з'яўляецца ўзорам для пераймання, настаўнікам і натхняльнікам для сучасных маладых беларускіх паэтаў", – адзначае старшыня Шведскага саюза пісьменнікаў Грэт Ротбёл.