Спадчыну Сяргея Палуяна прэзентавалі ў БДУ

На філалагічным факультэце БДУ адбылася прэзентацыя кнігі Сяргея Палуяна “След вечна жывы”, укладзенай Вячаславам Рагойшам і Таццянай Кабржыцкай. Кніга была выдадзена ў серыі “Кнігарня пісьменніка” ГА “Саюз беларускіх пісьменнікаў”.

Перад студэнтамі выступілі старшыня СБП Барыс Пятровіч, слова бралі літаратуразнаўца Анатоль Верабей, намеснікі дэкана Павел Навойчык і Мікола Хмяльніцкі.

palujan850.jpg

Прафесар Вячаслаў Рагойша веў прэзентацыю, спыняючыся на найбольш істотных момантах працы над кнігай.

На сустрэчы прагучалі тэксты са спадчыны Сяргея Палуяна ў выкананні студэнтаў факультэта і музычны эцюд “Элегія памяці” кампазітара Жывалеўскага.



Усевалад Сцебурака, тэкст і фота для https://lit-bel.org/