Святлана Алексіевіч пракаментавала затрыманні музыкаў у Дзень Волі

Дата публікацыі: 26.03.2019

3171

“Паводзіны нашых уладаў незразумелыя. З аднаго боку дзяржава заяўляе, што яна незалежная і беларуская, а з іншага боку арыштоўвае беларусаў за тое, што яны хочуць быць беларусамі і святкуюць сваё нацыянальнае свята”, - зазначыла нобелеўская лаўрэатка.

25 сакавіка ў Мінску затрымалі вядомых беларускіх музыкаў. Выканаўцы анансавалі вулічны канцэрт, але яшчэ перад яго пачаткам на месцы правядзення меркаванай імпрэзы да сябра ПЭН-цэнтра Лявона Вольскага падышлі супрацоўнікі міліцыі і папярэдзілі, што канцэрт будзе лічыцца "несанкцыянаваным мерапрыемствам". Праз некалькі хвілін адбылося затрыманне (канцэрт яшчэ не быў распачаты). Сярод затрыманых выканаўцаў: Лявон Вольскі, Зміцер Вайцюшкевiч, Ігар Варашкевiч, Павел Аракелян.

Праз дзве з паловай гадзіны музыкаў вызвалілі, склаўшы пратаколы затрыманя (але не правапарушэння) і правёўшы “прафілактычную гутарку”.

ПЭН

Тэгі: Святлана Алексіевіч