У Гомелі прэзентавалі кнігу вершаў Віктара Яраца

фота Анатоля Бароўскага
Днямі адзначыў свой 70-гадовы юбілей вядомы паэт, шматгадовы выкладчык літаратуры Гомельскага дзяржаўнага ўніверсітэта імя Францішка Скарыны Віктар Ярац. Да самай круглай даты ў серыі "Кнігарня пісьменніка" Саюза беларускіх пісьменнікаў была выдадзеная новая кніга Віктара Яраца — зборнік "Зямныя эцюды". 

Павіншаваць юбіляра ў Гомель прыехала прадстаўнічая мінская дэлегацыя: старшыня ГА "Саюз беларускіх пісьменнікаў", празаік, галоўны рэдактар часопіса "Дзеяслоў" Барыс Пятровіч, намеснік старшыні ГА "Саюз беларускіх пісьменнікаў", паэт Усевалад Сцебурака і музыка Алесь Камоцкі.

Усцешаны Віктар Ярац быў не толькі самім фактам творчага вечару, як тым, што новая кніга нарэшце з'явілася. Папярэдні зборнік паэта выйшаў ажно 26 гадоў таму назад. Студэнткі і студэнты задалі нямала пытанняў былому выкладчыку. Напрыканцы вечарыны адбылася невялікая аўтограф-сесія аўтара. 



Прэс-служба ГА "Саюз беларускіх пісьменнікаў"