У Мінску развіталіся з Валерам Стралко

У рытуальнай залі Заходніх могілак адбылося развітанне з вядомым беларуска-украінскім перакладчыкам Валерам Васільевічам Стралко. Пасля адпявання паводле праваслаўнага абраду, у грамадзянскай паніхідзе прынялі ўдзел старшыня ГА "Саюз беларускіх пісьменнікаў" Барыс Пятровіч, прадстаўнікі ўкраінскай амбасады ў Беларусі, украінскай дыяспары, сваякі і знаёмыя спачылага.   

Валер Стралко вядомы шматлікімі перакладамі беларускай літаратуры на ўкраінскую мову і наадварот. Сярод перакладзеных ім беларускіх аўтараў — Максім Багдановіч, Янка Купала, Якуб Колас, Васіль Быкаў, Уладзімір Караткевіч ды інш.

01.jpg

У 2003 г. Валер Стралко быў узнагароджаны Міжнароднай літаратурнай прэміяй імя Івана Франко за пераклады на беларускую мову твораў Тараса Шаўчэнкі, Лесі Украінкі, Івана Франко і сучасных украінскіх аўтараў, а таксама літаратурнай прэміяй імя Кандрата Крапівы за пераклад паэмы “Тарас на Парнасе” на ўкраінскую мову.

У 2006 г. узнагароджаны Нацыянальнай суполкай пісьменнікаў Украіны медалём "Ганаровая адзнака" за істотны ўнёсак у адраджэнне духоўнасці і асабістыя дасягненні ў літаратурнай творчасці.

У 2013 г. — лаўрэат Міжнароднай літаратурна-мастацкай прэміяй імя Грыгорыя Скаварады за вялікую падзвіжніцкую працу з мэтай збліжэння ўкраінскай і беларускай літаратур.


Прэс-служба ГА "Саюз беларускіх пісьменнікаў"