Уладзімір Арлоў прэзентаваў кнігу баладаў (+ФОТА)

Дата публікацыі: 05.09.2018

712

Кніга "Паручнік Пятровіч і прапаршчык Здань" была прадстаўленая 4 верасня на вечарыне, зладжанай ГА "Саюз беларускіх пісьменнікаў". Зборнік выйшаў у Бібліятэчцы часопіса "Дзеяслоў" і прымеркаваны да юбілею Уладзіміра Аляксеевіча.

З віншаваннямі да слыннага творцы прыйшлі ў мінскую кнігарню "Логвінаў" блізкія, калегі, прыхільнікі. Імпрэза атрымалася камернай, душэўнай, з сяброўскімі жартамі і сур'ёзнымі размовамі.

Акрамя аўтара выступілі: Старшыня ГА "Саюз беларускіх пісьменнікаў" Барыс Пятровіч, пісьменнікі Валянцін Акудовіч, Адам Глобус, Андрэй Хадановіч, праспяваў Зміцер Бартосік.

Фота: Віка Трэнас