Вальдэмару Калініну — 75!

Калінін Вальдэмар Ілліч нарадзіўся 30 мая 1946 года ў горадзе Віцебску. У 1964 скончыў сярэднюю школу №2, з’ехаў у Расію у Цвер, паступіў у Калініскі педагагічны інстытут. Атрымаў дыплом настаўніка англійскай мовы, працаваў у г. Вышні Валачок. У 1969 годзе быў прызваны ў войска ў дэсантную роту, у 1970  быў дэмабілізаваны і вярнуўся на Беларусь.

Працаваў настаўнікам англійскай і нямецкай моў, перакладаў літаратуру. У 1972 годзе пачаў працаваць метадыстам, а пазней загадчыкам кабінету замежных моў у Віцебскім абласным інстытуце ўдасканалення настаўнікаў да 1991 года. Адначасова навучаўся ў Санкт-Пецярбургу “Інституте общего образования взрослых Академии педагогических наук”. У 1993 годзе выехаў працаваць у г. Лондан. Сябра Саюза беларускіх пісьменнікаў з траўня 2008 года. Першы верш быў надрукаваны ў газеце “Піянер Беларусі” ў 1957 годзе. Піша на цыганскай, беларускай і англійскай мовах.

Рада і Сакратарыят ГА "Саюз беларускіх пісьменнікаў" шчыра віншуюць Вальдэмара Калініна з нагоды юбілею, зычаць яму моцнага здароўя, выдатнага настрою, натхнення і плёну ў працы!


Прэс-служба ГА "Саюз беларускіх пісьменнікаў"